Teks Deskripsi Kandang Rumah Joglo

Kandhang

Kandhang iku panggonan kanggo kewan sikil papat.

Kandang digawe saka pring. Payone saka gendheng.

Kandhang kudu pisah karo omah wong amarga kanggo njaga kesehatan. Kandhang dipanggonake ing mburi supaya ora ngganggu yen ana tamu, supaya yen disawang luwih apik lan luwih ngresepake.

Bentuke kaya omah kampung. Empyak setangkep tengah dhuwur diwenehi penuwun. (Atape bentuk prisma segitiga). Omahe bentuke segi papat utawa persegi panjang. Kiwa tengene oleh ditembok utawa saka pring. Balungane ya bisa saka pring utawa saka kayu.

Njerone diwenehi palang-palang kanggo saben sapi, saben sapi ana adhah pakane dhewe-dhewe saka pring bentuke kotak-kotak. Ngisore kandhang dipasangi panggung kanggo mbuwang regedane kewan. Anane panggung kuwi marai gampang olehe ngresiki regedan, dadi kari ngeruk regedan kuwi. Ana uga blumbang dinggo regedan kuwi mau. Ndhuwure blumbang kuwi diwenehi tutup.

Yen ngresiki kandhang nganggo garuk utawa sekop, saben dina diresiki ben sehat kewane. Panggone kandhang kuwi kudu etuk sinar matahari sing cukup supaya kewane sehat. Biyasane kandhang madhep ngetan lan diwenehi ventilasi sing cukup supaya srengenge isa mlebu.